اه واه من التعليم فى مصر

قريت اكتر من مقال عن مشاكل التعليم فى مصر , لكن مفيش ولا مقال كاتب الى عاوز اقوله.
(انا كتبت الموضوع عشان اقتع القارأ بكلامى وبس )

مشكلة التعليم يا اخوانى مش زى ما احنا عارفين :
ان المناهج صعبة , الدروس الخصوصية , المدارس زحمة والفصول متكربسة بالطلاب , والمدرسين مش اخدين حقوقهم .......... لا لا مش دى المشكلة يا اخوانى الافاضل !


المشكلة هى كلمة واحدة؟ الهدف !

انا بعلم الطلاب ليه فى مدراس ؟ ايه هدف الطالب من انو يروح المدرسة كل يوم؟

ليه اتعلم 5 سنين ابتدائى وتلاتة اعدادى وتلاتة ثانوى واربع سنين كلية ؟

ليه ؟؟؟ عشان هطلع ايه وايه الهدف من ده ؟

والسوال الاهم الدولة بتعلم الطلاب دى كلها ليه ؟ مش عشان الدولة تستفاد بيهم ! ولا عشان حاجه تانية ؟

الوزير الجديد محلش حاجه فى التعليم !
لان ببساطة هو بيصلح 1% من التعليم , هو مشفش ايه المشكلة الحقيقة فى التعليم !
المشكلة ان الدولة محتاجة تتحول دولة صناعية زى الصين واليبان وزى باقى الدول المتقدمة .
وده عشان الدولة محتاجة تقلل من الورادات بتعتها ومش كل حاجه هنستوردها
مثلا يعنى بلدنا محتاجين سيارات كتير ومعظم السيارات الجديدة بنستوردها !
طيب ايه الى هيحصل لو خصصت جزا من الطلاب ويتعملهم مدرسة لتعليم مجال صناعة السيارات ؟
ايه مش هنقدر نعمل كده ؟
نفس الكلام فى كل حاجه بنستوردها


وده عن طريق ايه :
لازم اخصص لطالب مجال محدد اخليه يتعلم فيه من صغره لان انا لو من ابتدائى فضلت ادرس كمياء مثلا ..... اكيد بعد 15 سنة دراسة فى الكمياء اكيد هطلع فاهم فى الكمياء حاجه

لاكن الى بيحصل حاليا ان الطلب المصرى مشتت ! يعنى ايه مشتت ؟ يعنى مثلا فى ثانوى عام بيدرس حولى 5 مواد ؟ طيب ليه ؟
اصل مفيش واحد فى الدنيا هيحب اكتر من مجال اوى اتنين ويكون ناجخ ومثالى فيهم !
وطبعا الطالب بيدرس وهو مش فاهم حاجة , اعتمادا على الدروس الخصوصية !

وطبعا المناهج الدراسية بتاعتنا مناهج عبقريا , محتاجة طالب يكون عندو صبر ويكون بغبغان ويعرف يحفظ


طبعا الوزير الجديد والى قبله كان بيقول امتحان الثانوية العامة مش معتمد على الحفظ
عشان الناس الى اشتكت من ان المناهج كلها حفظ !!

طبعا ايه الى حصل فى الامتحنات ؟
الى حصل ان الامتحان بدل ما كان بيجى اعتمادا على الحفظ فقط
بقا حفظ وتشغيل مخ كمان ! يعنى هيه هيه اسألت الحفظ بس هكلكع السوال والفوه عشان الطلب يفكر فى الاجابة وبدل ما اجبلكم السوال بطريقة مباشرة اجبهولك بطريقة معقدة !

طيب لو انا عاوز الامتحان يكون معتمد على الزكاء ! يبقا اعمل امتحان زكاء للطالب بعيد عن المنهج الدراسى
لان المنهج الدراسى مفهوش حاجة تتفهم من اساسه , المنهج الدراسى هو للطالب الى بيعرف يحفظ وبس نظام الكتاب

مع ان انا لو جبت طالب بيحب الهندسة والميكانيكا من صغره وحبت طالب تانى دخلته كلية الهندسة عشان بيعرف يحفظ

مين الطالب الى هيكون متفوق فى مجاله ؟
هل الطالب الى بيحب مجال الهندسة من صغره ؟
ولا الطالب الى بيعرف يحفظ زى البغبغان ؟

نظام التعليم عندنا فى مصر محتاج يتغير . من اول المدرس الى الطالب
وبعدين مش لازم اجبر الطالب انو يجى المدرسة ويتعلم !
الى عاوز يتعلم يتعلم والى مش عاوز يروح المدرسة هو حر مفيش حاجه اسمها تعليم اجبارى !

بس التعليم اجبارى عندنا فى مصر ولازم المدرسة لان مسؤولين التعليم معتقدين ان الطلاب لما تروح المدرسة مش هتاخد دروس خصوصية ؟

لا فى الحالتين الطالب لو راح المدرسة او مرحش المدرسة هياخد دروس خصوصية !


التعليم حله سهل جدا . احيانا بسال نفسى هل مفيش ولا مسؤوال من المسؤولين عرفو الكلام الى بقوله ؟؟


مش عارف انا صح فى كلامى ولا غلط !

اسف على الاطالة